I archivi da memóia

Vegnò fetu in centru digitole da cultüa tabarchiña ch’u métte insémme documenti e link ai tracce da documentasiun stórica e cuntempurània di vièggi, da lengua e de tradisuin de sta pupulasiun in muvimentu.

U Prugettu “RÀIXE – Spassi digitoli da cultüa tabarchiña” u l’ö recuperò, sarvò, valurizò e métte à dispuzisiun de tütti u patrimónniu cultürole imateriòle da Cumünitè tabarchiña pe:

1. rinsaldò l’identitè da stessa pruveniensa, cû recüperu de stésse antighe ràixe e u cunfruntu de próppie tradisuin etnugràfiche e antrupológiche anche pe turnò à valurizò e rende ciü fàsile u diàlugu intercultürole fra e sinque Cumünitè cuê stésse ràixe tabarchiñe: Taborca (Tünexi), Nueva Tabarca (Alicante – Spagna), Zéna Pégi, Carlufórte e Câdesédda.
2. Permétte ai nöe generasuin de riaprupiòse du só patrimónniu che ui distingue, pe nu fòiàu perde, pe creò îdée nöe e pruspetive suciòli e ecunómiche, anche cû recüperu de l’Archìviu stóricu digitole du Cumün de Câdesédda, ch’ u sâiò inta “Sa Domo de sa Cultura” e che u pö diventò in Centru de stìmuli, de ânimasiun suciòle, cultürole e türistica pai famigge e pâ cumünitè.

A finalitè du prugettu a l’è quélla de tutelò, valurizò e prumóve a cultüa tabarchiña, cuscichè Câdesédda a puégge creò in scistéma cultürole integràu à partì dâ valurizasiun, missa in “rete” du patrimónniu cultürole e de l’ampliamentu de l’ôferta e di servissi cultüroli anche grassie au custante travaggiu de “rete” cue Istitusuin e i persunaggi lucoli. À stu riguòrdu, intu stéssu tempu, se travagiò pâ cunservasiun du riccu patrimónniu socio-cultürole tabarchin e pâ creasiun de nöe ôcaxuin da dò ai zóni e ai famigge pe tegnì delungu viva e ativa a comünitè. U prugetto u l’è ôrientàu versu duì fin. U primmu u riguorde a sensibilizasiun versu a difàiza da cultüa lucole cui rapórti fra e generasuin, u teritóriu e a cumünitè:

• Rafursò l’identitè lucole, a cultüa e a memóia di pósti grassie au cuivulgimentu da pupulasiun;
• Favurì a sucializasiun e miliurò i rapórti fra i zóni e i ansiòni;;
• • Dò ai gente cuinvólte e infurmasuin e i strümenti che agiütan u cunfruntu pe scangiòse ricórdi, nütissie e abilitè;
• • Svilüpò inta pupulasiun u sensu de respunsabilitè e de cunsapevuléssa du próppiu teritóriu pe rinfursò u sensu d’apartenensa.